သေရွာတစ်ခေါက် နီးခဲ့ပြီတကား

စက္ကန့်လည်းပျောက် မိနစ်ရောက်၏

မိနစ်လည်းပျောက် နာရီရောက်၏

နာရီလည်းပျောက် နေ့ရက်ရောက်၏

နေ့ရက်လည်းပျောက် လတွေရောက်၏

လတွေလည်းပျောက် နှစ်တွေရောက်၏

နှစ်တွေပျောက်ဆုံး ပျက်ဆုံးခန္ဓာ

သေရွာတစ်ခေါက် နီးခဲ့ပြီတကား။

အနန္တဂုဏ်ရောင် ဦးဘမြင့်

ဧည့်သည်

လာတုန်းကလည်း တစ်ယောက်တည်းနော်

လက်တွဲခေါ်ကာ ဖော်မပါဘူး

ပြန်သွားတော့လည်း တစ်ယောက်တည်းနော်

လက်တွဲခေါ်ကာ ဖော်မပါဘူး

လာပြီးတော့နား မသွားသေခင်

ချိန်လေးတွင်မှ

ဝန်းကျင်ယှက်နွယ် နှောင်ကြိုးတွယ်ကြ

ပြုံးရယ်မဲ့ငို ချစ်မုန်းပိုကြ

မလိုဒေါသ လိုလောဘနှင့်

ဘ၀ရိပ်မြုံ ကကြိုးစုံခဲ့

ကံကုန်မိုးချုပ် လက်တွဲဖြုတ်ကာ

သုတ်သုတ်ဆောလျှင် ခရီးနှင်သည်

တို့လျှင် ဧည့်သည် ပါတကား။

တစ်ခေါက်မပြန်

ပေမှာတစ်သီး

တစ်သက်ပြီးလျက်

ကျီးတစ်သားပေါက်

နောက်၌မလာ တကြိမ်သာတည်း။

ဇရာမရဏ ဤဓမ္မလည်း

တစ်ဘ၀မှာ ဓမ္မတာလှိုင်း

သတ္တ၀ါထိုထို တစ်ကြိမ်အိုက

နောက်ကိုတလီ ပျိုသည်မရှိ

သေသည်ထိတည့် သေပြီးနောက်မှာ

ဖန်တစ်ခါမျှ

ပြန်လာရှင်ရိုး မရှိစွာဘူး။

အနန္တဂုဏ်ရောင် ဦးဘမြင့်

လမ်းသုံးဆင့် ဘယ်တင်းငါသွားမယ်

ငါတို့နေရာ ဤကမ္ဘာ တဏှာအုပ်စိုးသည်၊

တဏှာစေရာ မနေသာ ဖွေရှာဆက်ရသည်၊

ရသည့်ဥစ္စာ ချစ်သူပါ စွန့်ခွါသွားရမည်၊

တကယ့်အရေး တကယ်ဘေး ဘယ်သွေးဘယ်သားမကယ်ပြီ၊

ငါနှင့်ရွယ်တူ ငါ့အောက်လူ ကြီးသူသေကြ များလှပြီ၊

ခန္ဓာမစဲ အိုစမြဲ ကိုယ်လည်းသေဘက်နီးခဲ့ပြီ၊

မသေရခင် သွားလမ်းစဉ် လမ်းသာထွင်ရမည်၊

ဒါနသီလ ဘာဝနာ လမ်းသာမှတ်ရမည်၊

မဂ္ဂင်ယာဉ်ကြီး အမြန်စီး ခရီးထွက်ရမည်။

အနန္တဂုဏ်ရောင် ဦးဘမြင့်